BRIN Siap Nerbitaken Karya Penulis lan Content Creator Banyuwangi

Nur Holipah (dipublikasikan pada Jumat, 24 Juni 2022 06:50 WIB)
- Laporan

Saya suwi prosedur ngajokaken amprah ISBN (International Standard Book Number) saya sara, wis dadi rasan-rasan seperene. Endane akehe wong hang ngajokaken njaluk nomer ISBN iki dadi ukuran gok kegiyatan literasi ring Indonesia iki njenggirat temenan? Sampek prosedur njaluk ISBN hang biyasahe 14 dina dadi tambah suwi. Nawi merga ana verifikasi kaya tah pitakonan: Bukune arep diterbitaken kanggo kalangan pribadi terbatas? Arep dicetak pirang lembar? Sapa bain sasaran bukune? Kadhung hing komersil melaku bain wis hing nganggo ISBN. 

Anane Badan Riset dan Inovasi (BRIN), Kamis 23 Juni 2022 sore sithik-sithik njawab pitakonan lan gerundelan penulis Banyuwangi. Manggon noring Aula Minak Jinggo Sekretariat Daerah (Setda) Kabupaten Banyuwangi, pirangane penulis lan content creator diundang ring kegiyatan  Sosialisasi Asistensi dan Pendampingan Program Akuisisi Pengetahuan Lokal untuk Kabupaten Banyuwangi ring Badan Riset dan Inovasi Nasional (BRIN). Iwuh hang dibukak ring Kepala Dinas Perpustakaan dan Kearsipan Kabupaten Banyuwangi, Drs. Zen Kostolani, M.Si ini, nduduhaken publikasi digital dadi solusi ring sarane ngajokaken amprah ISBN saiki. Uga akses hang lebih gampang timbang buku cetak biyasah. “Paran maning hang nerbitaken Badan hang kresibel kaya BRIN iki." 

Seperene, Dispussip wis ngupayakaken njembatani para penulis Banyuwangi kanggo nerbitaken karya-karyane kelawan wujud e-book hang diwaca kelawan sistem digital library (digilib).

Merga jenggirate literasi digital, Deputi Bidang Fasilitasi riset dan Inovasi BRIN, Prof. Dr. Agus Haryono, M.Si ring sambutane nyampekaken, “BRIN mempunyai misi untuk mendapatkan dan mendokumentasikan berbagai konten pengetahuan lokal serta hasil litbangjirap dalam bentuk buku dan/atau audiovisual agar dapat diakses dan dimanfaatkan secara terbuka dan gratis oleh masyarakat melalui kanal publik yang dikelola oleh BRIN."

Dipandu ring Ketua Dewan Kesenian Blambangan (DKB) Hasan Basri, sosialisasi lan dialog ring telu narasumber dadi gayeng.

Pengetahuan Lokal hang melebu program akuisisi ini antarae:

1. Pelestarian Kebudayaan dan Kesenian. Seperti tarian, musik, lukisan, tuturan, dan patung; petuah, nilai, norma, kepercayaan dan pelestarian berbagai pengetahuan lokal dan kearifan dalam masyarakat.
2. Pelestarian Sumber Daya Alam yang meliputi pelestarian, konservasi, dan pemanfaatan berkelanjutan sumber daya alam, tumbuhan obat dan lain sabagainya.
3. Litbangjirap. Pengetahuan hasil-hasil penelitian, pengembangan, pengkajian, dan/atau penerapan ilmu pengetahuan dan teknologi.
4. Pemanfaatan meliputi pemanfaatan, penggunaan dan pengembangan berbagai pengetahuan lokal; arsitektur, pertanian, peternakan, dan/atau pengetahuan dan kearifan lokal lainnya

Hang ngusulaken Program Akuisisi Pengetahuan Lokal bisa teka Akademisi (periset dan dosen), mahasiswa/pelajar, kreator/komunitas/penggiat kemasyarakatan lan kebudayaan, utawa masarakat umum. Usulan hang diajokaken ana rong kategori yaiku buku lan audiovisual. Usulan buku hang bisa diajokaken antarane yaiku buku ilmiah (monografi utawa bunga rampai), buku ilmiah populer, buku ajar atau pegangan (textbook/handbook), buku pedoman utawa panduan uga buku cerita bergambar utawa komik pengetahuan. Dene usulan arupa karya audiovisual bisa arupa film dokumenter, film animasi lan film fiksi dan dokumentasi kreatif inovatif, jare Dwi Wiranto Prasetijo, M.Eng minangka Direktur Repositori, Multimedia dan Penerbitan Ilmiah BRIN.

Endane mung karya anyar hang bisa diajokaken?

Ring penjelasane, Fadly Suhendra nyebutaken gok Usulan hing mung sewates karya anyar. Karya hang wis diterbitaken sedurunge ya ulih pokoke wis ulih idin teka pihak hang nduwe hak karyane. 

Sjaeful Afandi uga ngomong gok aaben karya hang kepilih diakuisisi arep diubar kelawan akses terbuka nganggo lisensi Creative Commons license (CC-BY) taping hak cipta karyane tetep duwene pemilik, miturut aturan perundang-undangan. 

Program iki ngewani insentif kaya hang ana ring tabel ngingsor iki: 

Hang nggarai kaju ring sesi dialog hang rada nggawe peserta ngundha ambegan. Apuwa? Kaya Samsuddin Adlawi (Sastrawan), Nurul Ludfia (guru MAN 1 Banyuwangi), Muttafaqur R (guru SMAN 1 Banyuwangi), Indah (guru MTsN 4 Banyuwangi), Iroe S. Mahdi (guru SMAN 1 Glagah) hang kebeneran dadi penggerak literasi ring swkolah panggonane mulang, nakokaken gok karya sastra lan fiksi kaya cerita cendhek utawa gurit hang akeh diasilaken ring murid-murid bisa diakuisisi ring BRIN?

BRIN pokuse ring kelokalan hang dihususake ring sains lan sisi ilmiah. Merga, kadhung karya sastra arupa cerita cendhek, novel, puisi wis ana hang ngurusi yaiku Badan Pengembangan dan Pembinaan Bahasa. Makene hing tumpuk undhung. Tuladha karya satra hang diterima bisa dideleng ring akun instagrame BRIN, jare Fadly Suhendra.

Pendaftaran lan penerimaan usulan program iki dibukak sak suwine taun 2022. Rika duwe karya? Mayo milu ngajokaken. 

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.