Pemda Banyuwangi Siyap Nerusaken Revitalisasi Basa Using
Antariksawan Jusuf (dipublikasikan pada Senin, 02 Februari 2026 09:19 WIB)
- Laporan
Pemda Banyuwangi Siyap Nerusaken Revitalisasi Basa Using
Tepak kecaruk tim teka Balai Bahasa Provinsi Jawa Timur (BBP Jatim), Plt. Kepala Dinas Pendidikan Kabupaten Banyuwangi, Dr. Alfian, nyanggupi nerusaken program Revitalisasi Basa Daerah (RBD).
BBP Jatim wis telung taun iki nggelar RBD taun iki programe kudu diterusaken pemda dhewek.
Iyane negesaken gok pelestarian bahasa daerah mbutuhaken komitmen kabeh pihak lan kesinambungan kebijakan.
“Kadhung revitalisasi bahasa Using hing digelar mengarepe kene hang ngadhepi masalah nyiyapaken guru master lan nularaken nyang murid-murid. Mangkane nguri-uri iki dadi tanggung jawab lan komitmene awak dhewek," jare Pak Alfian.
Tepak audiensi Revitalisasi Bahasa Daerah (RBD) Bahasa Jawa dialek Using ring Dinas Pendidikan Kabupaten Banyuwangi dina Jemuah (30/1) dihadhiri jajaran Dinas Pendidikan, guru master bahasa Jawa dialek Using, maestro budaya, uga wong hang wigati ng pelestarian bahasa dhaerah.
Pak Alfian uga girang merga BBP Jatim hing cul-culan ring program iki merga magih ana pendhampingan dienggo ngawal program revitalisasi basa Using.
Kepala Balai Bahasa Provinsi Jawa Timur, Puji Retno Hardiningtyas, ngomong gok pemerintah daerah minangka pemangku utama nguri-uri bahasa daerah.
Pemda iku minangka aktor utama, BBP Jatim mung milu ngawal lan ndhampingi, jare Bu Retno.
Paran maning setemene Pemda Banyuwangi wis nyedhiyani picis dienggo kegiyatan iku.
"Wis dicepakaken anggaran liwat perencanaan program lan anggaran daerah kanggo bimbingan teknis guru master lan Festival Literasi Using," jare Pak Erpandi, Kepala Seksi Guru dan Tenaga Kependidikan Dinas Pendidikan Kabupaten Banyuwangi.
Sawetara iku Ketua Dewan Kesenian Blambangan, Hasan Basri, ngomong tantangan abot hang diadhepi kanggo nguri-uri basa Using ring lalare enom iki yaiku dominasi basa Indonesia.
“Dadine gerakan nguri-uri Using iki perlu disokong kebijakan dhaerah lan sosialisasi liwat media sosial makene saya urip ring masarakat," jare Pak Hasan.
.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
