Duta Seni Banyuwangi Magih Unggul ring Dina Pungkasan ring Malang

Moh. Syaiful (dipublikasikan pada Kamis, 23 Juni 2022 07:55 WIB)
- Laporan



Telung dina Pekan Cipta Seni ring (PCS) Taun 2022 hang manggon ana ring Taman Krida Malang, Duta Seni Kabupaten Banyuwangi  magih unggul ulihe kejuwaraan tinimbang Duta Seni Kabupaten liyane ring Jawa Timur.

Taman Krida Budaya Jawa Timur hang ana ring Malang dadi saksine kejuwaraan hang dimenangaken Duta Seni Kabupaten Banyuwangi.

Ring Jenjang Usia 7-12 Taun, Duta Seni PCS Kabupaten Banyuwangi ulih juwara 1 cabang lomba Tari Tradisi lan uga Penata Tari. Magih jenjang iki ketambahan juwara harapan 1 Cabang Lomba Musik tradhisional hang nggelar aran “Patheng Sinau” karyane M. Ikwan.

Lahan tepat untuk iklan anda di sini.

Hubungi: [email protected] atau WA telp 0811843457


Bungahe tim Banyuwangi maning hang ana ring Jenjang 13-15 taun hang ulih akeh kejuwaraan, antarane bain yaiku juwara 1 Cabang Lomba Tari Tradisi, Penata Musik Iringan Terbaik, lan Penata Tari Terbaik.

Ring Cabang Lomba Musik Tradisi jenjang 13-15 taun iki, Duta Seni Kabupaten Banyuwangi ulih juwara 2 lan Penata Musik Terbaik kelawan nggawa aran “Sang Dayun” hang musike ditata ambi Achzana Ilhamy S.Sn.

Sing salah kirane kadhung Duta Seni PCS Kabupaten Banyuwangi iki ulih akeh kejuwaraan merga sakdurunge dilatih ring “Pemusatan Latihan” lare-lare iki diseleksi temenanan ring Panitiya Kabupaten hang diketuwai Drs. Moh. Syaiful.

Sakliyane iku Duta Seni PCS Kabupaten Banyuwangi Jenjang Usia 13-15 Taun ring cabang lomba Paduan Suara uga ulih juwara 2 meh nguber Duta Seni Surabaya hang ulih juwara siji ring cabang lomba Paduan Suara iki. Paduan Suara hang biyasahe dadi langganan kutha-kutha gedhe ring Jawa Timur ring taun 2022 iki nyatane Banyuwangi magih unggul kelawan nggawa lagu wajib “Cinta Indonesia” lan lagu piliyane “Janger” . Penampilane lare-lare Banyuwangi iki nyatane bisa nggawe mencegoke penonton lan juri merga digarap apik tata suwarane ring Armasari Miss Venti wong Banyuwangen deles asal Rogojampi.

Ring Pungkasan juwara mesthine yaiku Cabang Lomba Seni Sastra yaiku Lomba Cipta Baca Puisi hang diwakili teka lare SMPN 1 Banyuwangi hang aran Kahfinzu (Kaka). Kaka nggawa puisi nganggo lakon Kuliner Sego Tempong. Nyatane puisine hang terus diwacakaken ring ngarepe juri iki bisa nggawa kejuwaraan yaiku juwara 2.

Kasi Peningkatan Mutu Pendidik dan Tenaga Pendidikan SMP, Dinas Pendidikan Kabupaten Banyuwangi Didik Eko Wahyudi, M.Pd  ngucap terima hang gedhe nyang kabeh tim utamane nyang Pembina lan pelatih uga sing luput nyang lare-lare hang wis berjuwang sampek tuntas ring lomba Pekan Cipta Seni Jawa Timur Tahun 2022 iki. Hang uga sing dilalekaken mesthine dhukungane MKKS SMP Negeri Banyuwangi lan MGMP Seni Budaya SMP Banyuwangi hang wis pontang-panting nyepakaken tim hebat iki.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.


Sumber : seni

Editor: Antariksawan Jusuf