Anggitane: Urip Limartono Aris
(Minggu, 20 Juni 2021 07:26 WIB)

Enem Sanga Sanga Enem


Enem Sanga Sanga Enem

Oyek Setro

 

Bareng lakunira

ana lindhu gedhe teka

kaya nunggang jukung ring tengah segara

 

Ombak ngontang-anting

angin ngipataken sampek kepelanting

pecut kilap ngukir mega

suwarane nyuwek raga

mung sun enget wekas rika

: terusaken lakunira

  angin mung kanggo bandha

  kilap dadekena tandha

  ombak anggonen nyurung jangkanira

 

Mung saiki isun magih nggelundhung

jangkah iki magih kesandhung-sandhung

kadhang nyungsep

rai kesereb

isun mung bisa ngelus dhadha

sekala iku rika teka ring mata

 

Banyuwangi, Maret 2005

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.


Editor: Hani Z. Noor