Muludan ring Pelinggihan

Antariksawan Jusuf (dipublikasikan pada Senin, 10 Oktober 2022 09:15 WIB)
- Laporan

Karyawan/Karyawati, para pangsiyunan sekaliyan, Dharma Wanita  Dinas Kebudayaan dan Pariwisata Kab. Banyuwangi nganakaken Muludan kanggo mengeti kelairan, perjuwangan lan tuladha Nabi Muhammad SAW., ring Pelinggihan Prabu Tawangalun. 
Acara iku uga ditekani Ketua Dewan Kesenian Blambangan, Hasan Basri. Kadisbudpar MY. Bramuda, S.Sos, MBA, MM. Nyampekaken, kegiyatan iki kanggo nggugah semangat megawene karyawan/karyawati Disbudpar.
"Paran hang disampekaken Mubalig muga-muga bisa dienggo pelajaran, kanggo ngunggahaken kedisiplinan kerja, supaya saben-saben pegawe ngarti nyang tanggungjawabe dhewek-dhewek. Setemene Kanjeng Nabi Muhammad iku diutus kanggo nyempurnakaken ahlak, polah, pethithet lan tatakeramane menusa, makene selamet donya uga selamet ahirate,"  abane Kadis Bramuda nguweni semangat setap-setape.
   Bramuda nambahaken, acara muludan ditengeri uga kelawan ngedumaken sembako ning para lare atim/atim piyatu. "Alhamdulillah sedurunge ceramah kabeh karyawan/karyawati milu serakalan nganggo kitab Barzanji," ucap imbuhe. Acara muludan ring Pelinggihan Prabu Tawangalun Disbudpar Banyuwangi nekakaken Mubalig Ustadz Hakim Bauzir teka Tim Dunia Lain Trans 7 Jakarta.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.