Resensi Buku: Belanda di Bumi Blambangan

Antariksawan Jusuf (dipublikasikan pada Senin, 08 Juli 2024 07:41 WIB)
- Resensi

Judhul: Belanda di Bumi Blambangan

 (Naskah-Naskah Arsip Kolonial Lama yang Belum Diterbitkan)

Penulis: Jhr. MR. J.K.J. De Jonge & M.L. van Deventer

Alihbasa: Pitoyo Boedi Setiawan

Penerbit: Sengker Kuwung Belambangan

Taun: 2018

Halaman: 180 (vii)

Ruwahe Pak Hasan Ali hang tau madeg dadi Ketua Dewan Kesenian Blambangan (DKB) lan aktip ring organisasi Dewan Harian Cabang Badan Penerus Pembudayaan Kejuangan 1945 (DHC 45) seru bangkele nyang Welanda. Mesthi bain wong Indonesia hang ngerasa negarane tau dijajah, disesep kesugihane, dipateni embah buyute, mesthine ya bangkel kabeh.     

Organisasi hang disebut pungkasan iku minangka wadhah para pejuwang hang bengen tau milu ngangkat gaman ngelawan penjajah, ya Jepang ya Landa.

Mangkane tepak ngusulaken lan namtoaken dina dienggo dina dadine Banyuwangi, DHC 45 hing terima gok tanggal 24 Oktober 1774 hang didadekaken. Mula kadhung ndeleng kedadeyan de facto tanggal iki wayahe bupati Banyuwangi kawitan dilungguhaken ambi Landa, Mas Alit pindhah nang kutha anyar Banyuwangi hang buru dibangun sakat enteke Perang Bayu tahun 1772.

Taping kadhung nganggo tanggal iku ya padha bain ngakoni penjajahan Landa ring Banyuwangi. Paran gunane perang hang dilakoni ambi embah buyut sampek bisa merdheka taun 1945? Kabeh hang diperjuwangaken dadi muspra.

Naskah sejarah hang endi hang dienggo rujukan? “Isun rada mang-mang nganggo babad, polae akurasine, ana aran umpamane hang mesthine njumbul atusan taun sedurunge,” jare Pak Hasan Ali bengen.

Ana cathetane Landa dhewek, surate Gubernur Pesisir Timur Laut Java J.R. van der Burgh nang Gubernur Jenderal lan Dewan Hindia Belanda tanggal 13 Januari 1772. Surate iku nyeritakaken kalahe pasukan Landa tepak diserang ambi pasukane Jagapati ring Bayu.

Cathetane Landa iki minangka laporan gubernur nong atasane kana, dadi hing kira gubab, jare Hasan Ali tepak bengen ditemoni nong umahe ring Mangir. “Gubernur Landa hing kira lapor ngapusi atasane ring Batavia. Nah, ring surat iku gubernure dhewek hang ngomong gok pasukane dikalahaken ambi pasukan Bayu.”

 Dienggo pengenget cerita heroike embah buyut bengen, tanggal iku hang dipilih dadi tanggal laire Banyuwangi. Masiya kutha Banyuwangi durung ana. Ring cathetan sejarah Indonesia, akeh-akehe cerita pahlawan Indonesia hang kalah perang ambi Landa, hang iki Landa ngakoni dhewek gok iyane kalah. Lan ring dokumen liyane, diceritakaken gok perang Blambangan iki ngentekaken bandha padha ambi wolung ton emas lan panggonan hang ngentekaken nyawane pasukan Landa paling akeh ya ring Bayu.

Ring buku Belanda di Bumi Blambangan, ditulis gedigi (halaman 83):

  Pada tanggal 13 desember 1771 komandan Reygers dengan pasukannya telah bertolak dari Kota Lateng dan keesokan harinya telah tiba di Bayu, kemudian memerintahkan pasukannya untuk menyerang tempat persembunyian para pemberontak. Tetapi ada perlawanan yang gigih dan kuat yang dilancarkan dengan tembakan dari dalam benteng yang terbuat dari batang-batang pohon yang besar dan kuat.

Komandan Reygers tertembak pada bagian kepalanya berikut dua prajurit Eropa gugur dan sepuluh prajurit Eropa terluka, begitu juga dari pasukan orang Pribumi, yang gugur terdapat lebih dari seratus orang dan setelah semua peluru yang dibawanya habis terpakai, tanpa ada hasilnya, maka diputuskan untuk mendirikan sebuah perkemahan yang berhadapan dengan benteng musuh tersebut, sambil menunggu pengiriman peluru dari kota (Lateng).

Setelah itu selama tiga hari tidak terjadi hal-hal yang penting, tetapi pada tanggal 18 Desember 1771 pada siang hari kira-kira 200 orang pemberontak, tetapi ada juga yang mengatakan hanya 100 orang pemberontak, yang hanya dipersenjatai dengan tombak-tombak pendek dan bambu-bambu runcing, mereka menyerang pasukan kami (pada waktu itu pasukan infantri kami masih terhitung 120 orang) yang pertama diserang.

Mula-mula pasukan infantri tersebut melakukan perlawanan, tetapi begitu mereka menyadari bahwa infantri berada dibawah Sersan Mayor Schaar (yang memegang komando, juga ikut menghantarkan Kapten Letnan Reygers ke kota, karena lukanya) bukannya mereka itu mengangkat senjata mereka untuk melawan, tetapi mereka justru melarikan diri, sehingga dikejar oleh musuh yang sudah gelap mata dan yang sudah menyelinap di antara prajurit Eropa itu, sehingga kebanyakan dari prajurit Eropa tersebut yang gugur.

Bahwa sebaliknya justru pasukan yang terdiri dari orang Madura, Sumenep dan Pamekasan yang dengan gagah berani melawan dan berhasil menghalau musuh, dan bukan pada hari itu saja, tetapi juga pada keesokan harinya, ketika musuh menyerang mereka dengan meloncat, tetapi musuh akhirnya kembali ke sarang mereka, setelah salah satu pemimpin mereka tertembak dan gugur, Selain itu pada tanggal 20 Desember pasukan orang pribumi tersebut dalam barisan teratur kembali lagi ke kota.

Bahwa orang Eropa yang masih tersisa, beberapa diantaranya termasuk juga bersamanya Ostroskly yang terluka berat, bagian terbesar dari mereka sudah tidak bersenjata lagi. Dalam keadaan sangat lelah, mereka berjalan berkelompok-kelompok, kembali ke kota. Mereka menyalahkan kekalahan tersebut pada sikap pengecut dari Sersan Mayor Schaar, pembantu Tinne, 41 anggota infantri, 15 orang dari korps khusus Dragonders, para bintara dan tamtama serta seorang dari pasukan arteleri, selain sejumlah besar anggota dari pasukan orang Pribumi.

Pasukan Dragonders teka Semarang iku minangka pasukan elit gerak cepat Landa lan ring Bayu pontang-panting ngelawan pasukane Rempeg. Ring buku iku hing dilaporaken gok pasukan Rempeg sampek ngarak endhase Landa hang ditancepaken ring jajang.

Kerana buku iki laporan Landa nang pemimpin Landa liyane, istilah-istilah hang dienggo ya “pemberontak”, “orang jahat” lan sepiturute kanggo ngarani pahlawan-pahlawan pribumi.

Buku iki hing mung cerita Belambangan hang ana ring Banyuwangi, taping hubungane ambi Bali, Puger, Lumajang, Panarukan, Malang lan liya-liyane. Lan hing mung iku, uga hubungane ambi saingane Landa ring Blambangan yaiku Inggris.

Minangka wacanan kanggo nyugihi cerita sejarah, buku iki dadi pelengkap kelendi kiprahe Walanda ring Blambangan. Nambahi sugihe buku hang nyeritakaken bab Belambangan, kayata: Nagari Tawon Madu (I Made Sudjana), Perebutan Hegemoni Blambangan (Sri Margana), Suluh Blambangan lan Suluh Blambangan 2 (M. Hidayat Aji Ramawidi) lan naskah Blambangan liyane hang kececer.

Naskah buku hang diterjemahaken Pak Pitoyo Boedi Setiawan iki setemene dijuwut teka buku De Opkomst hang diedhitori ring Johan Karel Jakob de Jonge lan Marinus Lodewijk van Deventer.

Pak Pitoyo dhewek setemene belasteran Landa teka bapake. Tapi iyane kecanthol wong Banyuwangi lan ngentekaken umure ring Banyuwangi. Iyane tau ulih penghargaan teka Pemda Banyuwangi merga usahane nerjemahaken naskah-naskah Landa hang ana hubungane ambi Banyuwangi, kayata Hukum Adat Blambangan. Lan naskah-naskah liyane.

Samake digarap kelawan apik ambi Taufiq Shaleh hang kerep diceluk Pak Cik. Warnane kaya nduduhaken kahanan tepak soren-soren. Taping wernane kaya wernane geni hang mberanang merga Bumi Belambangan dikarang abang ambi Welanda.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.