Asrama Inggrisan Dadi Cagar Budaya (Bagiyan 2 pungkas)

Antariksawan Jusuf (dipublikasikan pada Senin, 07 April 2025 05:52 WIB)
- Laporan

REVITALISASI ASRAMA INGGRISAN
Ditulis ring Nani Asiany

Disampekaken Bupati Kabupaten Banyuwangi Ipuk Fiestiandani nalika dadi keynote speaker ring acara seminar ngenengi Asrama Inggrisan ning pelinggihan Prabu Tawang Alun Dinas Kebudayaan dan Pariwisata, Asrama Ingrisan arep direvitalisasi, dibecikaken taping sing ninggalaken wujud aseline. Rencana revitalisasi Asrama Inggrisan dikawiti nalika Asrama Inggrisan ditekani Kepala Staf Angkatan Darat (KASAD) Jenderal TNI (Purn) Prof. Dr. H. Dudung Abdurachman ,SE, MM tanggal 23 Agustus 2023. Malah nalika Jenderal Dudung teka nong Banyuwangi, iyane lan rabine Rahma Dudung Abdurachman nampa dadi warga Kehormatan Masarakat Using.
   Revitalisasi bangunan cagar budaya pecake kantor telegrap Inggris bisa nguwataken wisata, merga panggone parek Pasar Banyuwangi lan persis ana ring jantung kutha Banyuwangi.  "Revitalisasi Asrama Inggrisan  bisa ningkataken ekonomi lokal," jare Ipuk. Rencana revitalisasi Asrama Inggrisan didadekaken wisata heritage wis disetujoni Kepala Staf TNI Angkatan Darat (KSAD) Jenderal TNI Dudung Abdurachman tepak kunjungan ika."
    Rencana revitalisasi Asrama Inggrisan kang wis disetujoni KASAD TNI AD iku arep digarap bareng antarane Pemerintah Daerah Kabupaten Banyuwangi ambi Kementerian Pekerjaan Umum dan Perumahan Rakyat (PUPR) Republik Indonesia arep dikawiti taun 2024 iki.
   Diunggah KOMPAS.com-  22/12/2023, Pemerintah Kabupaten (Pemkab) Banyuwangi ambi Kementerian Pekerjaan Umum dan Perumahan Rakyat (PUPR) gancang revitalisasi salah siji  bangunan bersejarah di Kabupaten Banyuwangi, Jawa Timur, yaiku Asrama Inggrisan.  Bangunan pecake  Kantor Dagang Inggris iku salah siji upaya Pemkab Banyuwangi mekaraken kawasan wisata sejarah.    Disampekaken Kepala Dinas Kebudayaan dan Pariwisata Kabupaten Banyuwangi, Mohamad Yanuarto Bramuda.  "Asrama Inggrisan iku bengen dienggo kantor telegrap, mendhem kabel jaringan telegram ngisor laut kang ngubungaken sampek Australia lan Eropa. Magih ana tinggalane," jare Bram kala ditemoni  ana program Nusaraya ring Gedung Kompas Gramedia, Jakarta Pusat, Rebo (20/12/2023). 
   Minangka cagar budaya daerah, iyane nyampekaken kadhung bangunan bangunan Asrama Inggrisan arep direvitalisasi taping sing nguwah wujud aseline.  "Arep direvitalisasi PUPR mulai 2024. Saiki magih tahap rekomendasi kajian," tambahe.  Gedhung kang saiki dienggo asrama TNI AD iku  diproyeksikaken dadi wisata sejarah. Paran maning panggonane gampang dijujug merga pas nong pusat kutha. 
Direktur Prasarana Strategis, Direktorat Jenderal (Ditjen) Cipta Karya, Kementrian PUPR, Essy Asiah, nyebutaken, pembangunan revitalisasi magih sing ninggalaken wujud aseline. Mbisuk, panggonan  iki diproyeksi dadi wisata berbasis edukasi.  “Asrama Inggrisan arep dibangun nganggo konsep wisata edukasi. Kabeh bangunan mung arep direvitalisasi tanpa nguwah wujud kerana Asrama Inggrisan minangka bangunan cagar budaya daerah. Rencanane arep dilengkapi ambi museum, hotel, lan meeting point.”

 

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.