Buku Cerita Anak Indonesia-Using Tambah Maning

Nur Holipah (dipublikasikan pada Selasa, 07 Mei 2024 06:53 WIB)
- Laporan



Iwuhe Balai Bahasa Provinsi Jawa Timur kanggo nambahi lan nyedhiakaken buku wacanan kanggo lalare jenjang Pembaca Awal B2, hususe (pekiraan umur 7-9 taun), mula durung mandheg. Dina Senin sore, (7/5/2024), manggon ring Balai Riung Hotel Santika Pandegiling Surabaya, 10 penulis buku cerita anak Basa Using- Indonesia diundhang ring acara Lokakarya Naskah Cerita Anak Dwibahasa 2024. Kabeh penulis ditemokaken ambi ilustrator makene bisa gesah tanek sampek gadug ngasilaken buku kaya ring angenan.

Kepala Balai Bahasa Jatim, Dr. Umi Kulsum, M.Hum ring pembukaane nyampekaken gok terus ngupayakaken buku wacanan hang berkualitas. Cerita anak iku ya kudu menarik kanggone anak-anak. “Bukan menarik menurut ukuran orang dewasa,” abane. Iyane uga seru mongkoge merga ring taun 2024 iki, ana penulis hang paling enom kelas V SD teka Pasuruan. Serehne ilustrator ya ana hang paling enom, Alissa magih kelas X SMA.

Awaludin Rusiandi tim KKLP BBJT ngomong gok wis nego nyang Pusat Perbukuan makene rumusan perjenjangan hang rigid, rada dikendhori. Makene buku cerita anak sing kari pedagogis. Merga kadhung dibandhingaken ambi penjalukane Badan Bahasa mula angel thuk-e. BBJT ngupayayaken makene bisa mengakomodir kebutuhan ring lapangan, penjalukane pimpinan lan kebijakan hang wis ana.

Kalau balai bahasa luar Jawa kebingungan dan mencari penulis sampai ke Jawa, kami (red: BBPJT) sampai mumet  menyeleksi naskah yang masuk, saking banyaknya.” abane Awaludin Rusiandi nutugaken. Merga ring taun 2024 iki, ana 730 total naskah hang melebu nyang panitia. Ring antarane, 598 naskah Jawa, 98 naskah Madura, lan 34 naskah Using. Panitia sampek kudu ngundhuraken pengumuman asil seleksi hang maune dijadwalaken 28 Februari dadi 8 Maret, merga akehe naskah hang melebu.

Teka Using rinciane:  

Mula kuota cerita anak Basa Using ring tahun 2024 iki ditambahi. Taun sore mung  9 judhul buku, dene tahun iki 13 judhul buku.

Sakliyane 10 penulis, ana 4 ilustrator teka Banyuwangi hang uga diundhang, yaiku:
1. Apri Setiawan
2. Ayu Kusuma Wardhani
3. Januarispo Pratama
4. Tasya Nabiella Buchori.

Tim Banyuwangi:

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.


Sumber : Werta

Editor: Antariksawan Jusuf