Galapan Sepidhah Munggah Gunung Ijen
Antariksawan Jusuf (dipublikasikan pada Senin, 29 September 2025 08:13 WIB)
- Laporan
Galapan Sepidhah Munggah Ijen
Seliyane galapan sepidhah Tour de Ijen, Banyuwangi duwe siji maning kegiyatan galapan munggah Gunung Ijen hang diarani Banyuwangi Bluefire Ijen KOM 2025.
KOM iku maksude Raja Munggah Gunung (King Of Mountain) hang jalure dikawiti teka Boom sampek munggah nong Gunung Ijen sedawane 85,9 kilometer.
Edhenga, sore iku (Sabtu 27/10/25) hang milu ana 394 tukang pancat, seliyane para atlet propesional, ana pisan hang teka komunitas lan wong hang dhemen galap sepidhah.
Wong-wong iki ana hang teka Jakarta, Bandung, Jawa Tengah, Jawa Barat, Jawa Timur, Kalimantan, Lampung, Maluku, lan liyane. Dene teka negara manca ana tukang pancat teka Kolombia, Perancis, Jerman, Italia, Landa, New Zealand, Filipina, lan Singapura.
Dieculaken ring Bupati Banyuwangi Ipuk Fiestiandani noring Pantai Marina Boom, rombongan tukang galap iki ngeliwati panggonan endah sampek pungkasan ring Paltuding, Ijen.
Jare Bu Ipuk iwuh iki negesaken gok Banyuwangi minangka kutha sepidhah.
Seliyane iwuh iku lan Tour de Ijen ulan Juli kapanane, ana pisan Banyuwangi Ijen Geopark Downhill (20-21 September), lan Banyuwangi BMX (15-16 November).
Banyuwangi uga nduwe karep dadi pusere sport tourism noring Indonesia, jare Bu Ipuk.
"Iwuh hang nggabungaken olahraga ambi seni budaya lokal gedigi iki minangka carane dhaerah kanggo ngenalaken Banyuwangi nang wong akeh," jare Bu Ipuk.
Acara ring Banyuwangi iki setemene uga dadi hang pungkasan teka telu "Mainsepeda Trilogi" taun iki.
Hang kawitan ana , Bromo KOM lan Kediri Dholo KOM. Trilogi ini saiki barometer kanggone para tukang galap ring Indonesia.
Juwara hang disebut Raja Munggah Gunung mau direbut Aiman Cahyadi, dene kanggo hang wadon direbut Risa Wijiyanti.
Marek ngentekaken tantangan 60 kilo dalan rata lan 26,9 kilo dalan munggah hang dhuwure 2000 meter, kelebu Erek-Erek, para tukang galap iki diejak melaku-melaku nang alas Djawatan engkisuke.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
