Ikawangi Milu Jalan Sehat Mengeti Hari Pahlawan
Antariksawan Jusuf (dipublikasikan pada Senin, 11 November 2024 07:22 WIB)
- Laporan
Paran hang digawe Paguyuban Warga Jakarta Asal Jawa Timur (Pawarta Jatim) kanggo iwuh taunane? Nggelar Jalan Sehat kanggo wargane kelebu warga Ikatan Keluarga Banyuwangi (Ikawangi).
Saben tanggal 10 Nopember, hang wis ditetepaken dadi Hari Pahlawan, Pawarta Jatim nggelar iwuh iku.
Taun iki merga hang milu lebih sewu wong, acarane dipindhah hang biyasahe ring Taman Mini Indonesia Indah (TMII) saiki digelar ring sak ubengane Gedung Bidakara.
Ketum Pawarta Jatim Terpilih, H. Herry Andriyanto, ring pidhatone ngomong gok iyane tetep arep ngencengaken sinergi lan ngedegaken rasa seduluran hang seperene wis dadi adate ring Pawarta Jatim.
Ikawangi Pusat ngirim 50 wargane kanggo iwuh Jalan Sehat iki, jare Ketua Bidang Olahraga Ikawangi hang uga Ketua Bidang Olahraga ring Pawarta Jatim, Sofi Muntahar.
Dene hang milu sak jangkepe yaiku organisasi kayata:
1. Surabaya (Sinoman): 44 wong
2. PWN (Ngawi): 135
3. Pawargo Ponorogo: 65
4. Nganjuk: 60
5. Ikawangi: 50
6. Yuangga (Probolinggo): 35
7. Sidoarjo: 76
8. Tulungagung: 62
9. Kertosono: 30
10. Srikandi: 50
11. Bojonegoro: 50
12. Tuban: 27
13. PWP (Pacitan): 50
14. IKAMA (Madura): 25
15. Jember Community: 45
16. Paguma (Madiun): 27
17. IKMA (Magetan): 30
18. Pualam (Lamongan): 50
19. ARELA (Lawang): 26
20. AREMA (Malang): 30
21. PAKU MOJOPAHIT (Mojokerto): 32
22. Sanyuri (Kediri): 20
23. Lumajang 15
Totale ana 1069 wong.
Rute hang dipiloni kira-kira mung limang kilo sak ubengane Bidakara, jare Sofi.
Hang nggawe wong-wong girang, emeh kabeh organisasi ulih doorprize, kelebu picis 10 juta kanggo wong telu.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
