Ikawangi Pusat Milu Program Mulih Kampung teka Pawarta Jatim
Antariksawan Jusuf (dipublikasikan pada Sabtu, 06 April 2024 07:41 WIB)
- Laporan
Ikawangi Pusat Jakarta milu mulih kampung bareng Paguyuban Warga Jakarta asal Jawa Timur (Pawarta Jatim) dina Jemua (5/4) sore.
Rombongan mulih nyang Jawa Timur dieculaken ring Pj. Gubernur Jatim Adhy Karyono, ring halaman Padepokan Pencak Silat Taman Mini Indonesia Indah, Jakarta.
"Program iki minangka bagiyan kuwajibane pemerintah kanggo masarakat. Jawa Timur kelebu dhaerah tujuwan mulih hang akeh dijujug. Jumlah wong mulih kampung ana 31,2 juta wong taun iki. Kene kepingine nulung. Kadhung nunggang kendaraan pribadi, utamane sepidhah montor, nggarahi nambah macet lan potensi tabrakane dhuwur. Saben taun, program iki didhemeni wong," ari tahun ke tahun, program ini direspons sangat baik,” jare Pj. Gubernur Jatim, Adhy Karyono.
Dipiloni 29 bis hang isine 40 kursi kanggo nguwot kira-kira 1.240 penumpang, jare Sofi Muntahar, pengurus Pawarta minangka wakil teka Ikawangi.
Wong hang milu teka Ikawangi ana 36 wong lan ulih jatah rong bis dhewek, jare Sofi. Ana pisan bis liyane hang nuju Jember, Bondowoso lan kutha liyane.
Sakliyane ulih tiket gratis, rombongane ya disangoni tas lan panganan kanggo sedawane dalan.
Kelawan tema “Mudik Ceria Penuh Makna” rombongan wong mulih kampung seru mbantune nyang wong-wong Jakarta hang arep mulih nyang kampunge.
“Program hang dianakaken ring Pemprov Jawa Timur iki apik seru merga mbantu warga hang kepingin mulih lebaran, kelawan aman" jare Herry Andriyanto Ketua Umum Pawarta Jatim.
Peogram iki mula wis kerep dianakaken ring Pemprov Jatim sakat gubernure dipimpin Khofifah Indar Parawansa.
Milu teka nyekseni program Mudik Bareng Gratis iki antarane Nyono Kepala Dinas Perhubungan Jawa Timur, Zainal Fanani Kepala Badan Penghubung Daerah Provinsi Jawa Timur ring Jakarta lan Judhi Romadhoni Sekretaris Umum Pawarta Jatim uga Pejabat Pemprov Jatim liyane.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
