Peserta Jambore Sastra Asia Tenggara Kepilih 200 wong

Hani Z. Noor (dipublikasikan pada Selasa, 03 September 2024 07:49 WIB)
- Laporan

Panitiya Jambore Sastra Asia Tenggara (JSAT) wis milih 200 puisi hang nduweni tema: Ijen Purba, Tanah, Air, Batu.
   Iwuh Pemda lan Dewan Kesenian Blambangan iki jare panitiyane, Mbok Ludfia, setemene wis hang kepindho. Hang kawitan taun 2018 taping pesertane lebih sithik mung 100 lebih uwong.
   "Taun iki ana 200 peserta lan puisine arep didadekaken buku," jare Mbok Ludfia. JSAT wis dikawiti pirangane ulan kepungkur kelawan ngumumaken penjaluke yaiku puisi bab Ijen aju dipilih lan dipilah ring telung juri hang kabeh dudu wong Banyuwangi: Wayan Jengki Sunarta, Mahwi Air Tawar, Mutia Sukma.
   Tanggal 24-26 Oktober engko, peserta JSAT arep diinepaken ring Kemiren miloni kegiyatan Jambore kayata Gala Dinner ring pendhapa hang diterusaken ambi peluncuran buku ring Bupati Banyuwangi. Aju engkisuke pesertane padha sanja nang sekolahan, diterusaken ndeleng wayang. Ring dina pungkasan, pesertane diejak Diskusi Sastra lan Bedah Buku sedurunge kegiyatan pungkasan yaiku ndeleng Gandrung Sewu.
    Peserta teka Banyuwangi:
1. Ahmad Nadzir
2. Aguk Wahyu Nurhadi
3. Agus Takariyanto
4. Akmal Rahman Hanif
5. Alif Firdaus Rosyidin
6. Devika Nur Baity
7. Dyah Dhomi Eko Wulandari
8. Eko Wahyu Pratama
9. Fatah Yasin Noor
10. Gatot Hariyanto
11. Gimien Artekjursi
12. Hardjani S.S.
13. Herny Nilawati
14. Litalia Putri
15. M. Syahrul Shobirin
16. Momo
17. Nani Asiany
18. Nuhbatul Fakhiroh Maulidia
19. Nunung Nur El
20. Rissa Churia
21. Samsudin Adlawi
22. Sri Lestari
23. St Muanifah
24. Syafaat
25. Tirta Baiti
26. Uswatun Hasanah
27. Wahyu Rizki Kurnaini
28. Yeti Chotimah M. Arts 

   Hang liyane teka Malaysia (Johor, Kelantan, Kuala Lumpur, Perak, Pulau Penang, Melaka, Negeri Sembilan, Sabah, Selangor), Singapura, Sumatera (Aceh, Riau, Lampung), Kalimantan, Bali, Medura, Maluku, NTT lan Sulawesi.
   Dene hang teka kutha ring Jawa macem-macem mulai hang paling parek Jember, Bondowoso sampek hang adoh Jakarta, Tangerang, Sukabumi, lan kutha-kutha ring antarane ring Jawa Timur, Jawa Tengah, Yogyakarta, Jawa Barat lan Banten.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.