Sosialisasi Pemilu Kanggo Difabel Banyuwangi

Antariksawan Jusuf (dipublikasikan pada Senin, 26 Agustus 2024 08:31 WIB)
- Laporan

Komisi Pemilihan Umum (KPU) Kabupaten Banyuwangi nggelar Sosialisasi Tahapan Pemilihan Gubernur-Wakil Gubernur Jawa Timur lan Bupati-Wakil Bupati Banyuwangi Taun 2024 kanggo Pemilih Disabilitas Sahabat Aura Lentera ring Aula SLB Negeri Banyuwangi ring Banjarsari.
   Jare Divisi Sosdiklih Parmas dan SDM KPU Banyuwangi, Enot Sugiarto, seperene Daftar Pemilih Sementara (DPS) hang ana jumlahe 1,3 juta uwong. Akehe dhaptar pemilih iku magih bisa uwah maning sedurunge melebu ring Daftar Pemilih Tetap.
   Dene pendhaptaran pasangan bakal calon gubernur-wakil gubernur Jatim lan pasangan Bupati-wakil bupati Banyuwangi tanggal  27-29 Agustus 2024 engko.
   Enot uga njelentrehaken gok angka partisipasi masarakat ring pemilu legislatip,  Dewan Perwakilan Daerah lan pemilihan Presiden-wakil presiden RI hang sore ring Kabupaten Banyuwangi sampek 76 persen.
   Dawane kegiyatan diterusaken (Forum Group Discussion) FGD kanggo ngerembug perbup unit layanan disabilitas kelawan nekakaken Kabid ketenagakerjaan ring disnakertrantrian kabupaten Banyuwangi Dra. Sutjiati, S.Sos ambi Dr. Hary Priyanto, ST., M.Si.
    Sedurunge acara, merga tepak tanggal 17 Agustus, sekaliyan dianakaken upacara bendera sulung.
   Mandar muga karep hang apik para wong kang apik ngasilaken perkara hang apik kanggo kaum difabel khususe ambi umume ya kanggo bangsa Iki.
   Salah siji difabel Banyuwangi, Nurhadi Windoyo, ngejak para wong  disabilitas supaya aktip ring pemilu lan sing golput.        "Titenana sulung pasangan calon hang arep dipilih, aju milih kelawan cara rasional lan hing kelibet ring peraktek politik picis," jare Windoyo. (Aguk)

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.