Cerita Kececer teka Festival Tunas Bahasa Ibu

Antariksawan Jusuf (dipublikasikan pada Kamis, 09 Mei 2024 06:27 WIB)
- Opini

Cerita Kececer Teka Festival Tunas Bahasa Ibu

Pusat pengembangan dan Perlindungan Bahasa dan Sastra, Badan Pengembangan dan Pembinaan Bahasa , Kementerian Pendidikan, Kebudayaan, Riset, dan Teknologi ring tahun 2023 wis nganakaken "Revitalisasi Bahasa Daerah" hang kejuluk RBD, kanggo 26 propinsi sak Indonesia minangka kegiyatan ring "Merdeka Belajar" kaping 17. Tujuwane kegiyatan iku kanggo mbangun sinergisitas antarane pemerintah pusat lan pemerintah dhaerah minangka salah siji upaya kanggo nggayuh asil ring "Revitalisasi Bahasa Daerah" makene tetep lestari lan sing luntur keterak jaman, saingga kearifan lokal hang ana ring dhaerah bisa temurun nyulur nyang anak putu lan generasi sakteruse.
Teka kegiyatan Revitalisasi Bahasa Daerah tahun 2023 iku sing mandheg cukup sakmono taping terus dilanjutaken. Minangka apresiasi kanggo pemerintah daerah uga para peserta Tunas Bahasa Ibu hang wis berjuwang nyuksesaken lan kelebu nguri-uri Bahasa Ibu iku mau arep diwujudaken ring sakjerone kegiyatan “Peringatan Hari Bahasa Ibu Tahun 2024” arupa Festival Tunas Bahasa Ibu Nasional (FTBIN) hang dilaksanakaken tanggal 1-5 Mei 2024 ring Hotel Sultan, Senayan Jakarta. FTBIN iku dudu lomba naming murni tampilan kanggo nduduhaken lan ngenalaken basa dhaerah teka saben-saben propinsi hang ana ring tanah air iki. Panggonan tampilane ring jl. Anyar Km. 4, Sukahati, Citeureup, Kabupaten Bogor, Jawa Barat, dene pesertane ana 19 UPT propinsi hang dilaksanakaken dina Sabtu, 4 Mei 2024. Teka propinsi hang diundang Ring kegiyatan iki yaiku pemerintah dhaerah lan peserta hang wis kepilih teka dhaerahe dhewek-dhewek. 
Ring acara Festival Tunas Bahasa Ibu iki saben dhaerah didadekaken cukup sak tampilan bain hang diwatesi dawa wektune 20 menit. Biyaya kanggo kegiatan FTBIN hang arupa transportasi, akomodasi, konsumsi, lan picis kanggo saben dinane iku kabeh  ditanggung ambi Pusat Pengembangan dan Pelindungan  Bahasa dan Sastra.
Kontingen peserta Tunas Bahasa Ibu teka Jawa Timur diwakili Kabupaten Banyuwangi lan Madura. Dene pendhamping hang ditunjuk langsung teka penyelenggara. Wilayah Banyuwangi ana Heni Kuriawati, S,Pd, dibantu Yeti Chotimah, M.Pd, lan Natalia Utami, S,Pd. Kadhung hang teka wilayah Madura ana Aisyah Minarni Mukti lan Bapak Jefri. Jumlah peserta teka Kabupaten Banyuwangi ana 14 lare  lan teka Madura uga 14 lare yaiku Happy Ananta Syahrini teka SMPN 3 Banyuwangi, Revan Dava Firdaus SMPN 2 Banyuwangi, Isma Ayu Arifin SMPN 1 Belimbingsari, Gadis Sifatus Soleha SMPN 2 Srono, Deffano Eka Amirulloh SMPN 2 Rogojampi, Ghisni Nuril Alfiani SMPN 3 Rogojampi, Rehan Yanuar SMPN 2 Cluring, Shava Okta Viyana SDN 2 Kedungsari, Ivana Astrid Irawan SDN Kepatihan, Vareza Arya Dika SDN Watukebo, Annisa Rozikul Zukhruf SDN 4 Karangsari, Vania Zerlindah SDN 1 Pakistaji, Kinara Rizqina Farihin SDN 1 Kabat, Arshyl Fadilah Jatmiko SDN 2 Tamansuruh. Sedheng hang teka Madura yaiku Muhammad El Fito Cahaya Jatmika, Devi Delima Maheswari, Khurrotul Kholisoh, Muhammad Fajar Jaya,  Nyvidia Angelina Rebecca, Elvina Maulida Putri, Syifa Nurfadhila Ramadhani, Bintang Achmad Fauzani, M. Khairul Aryandika Seftiawan, Siti Rafifatur Rifda, Legina Narulitha Harakan, Cinta Salsabillah Hanny Saputra, Arya Hadi Wijaya, Niki Al Faris,  Firman Afandi Firdausi, lan Arkanul Alif.
   Carane rong dhaerah bisa kecaruk antarane teka Kabupaten Banyuwangi ambi Medura, dina Senin, 1 April 2024 kepungkur wis dikawiti gesah liwat zoom dipandhu Balai Bahasa Jawa Timur hang dipiloni para pendhamping, kabeh peserta, lan wong tuweke.  Kepala Bahasa Jawa Timur Ibu Umi Kultsum nyampekaken liwat zoom iku, ngenani dina pemberangkatan teka Banyuwangi lan Medura menyang hotel Sultan Tanah Abang, Jakarta lan nerangaken cara ngisi formulir kanggo sarat nunggang kapal terbang, Bu Umi uga negesaken gok kontingen kudu paham nyang juklak juknis kegiyatan supaya tepak ngelakoni kegiyatan 5 dina engko bisa langsam lan sukses.
Sakteruse, kontingen Jawa Timur, antarane Banyuwangi lan Medura latihan ring dhaerahe dhewek-dhewek kelawan ngugemi alur panggung hang wis disepakati. Ring sak jerone latihan iku diwuruki bareng-bareng nyang para pembina uga dibantu para pendhamping teka sekolahe peserta. 
   Tepak  dina Selasa, 23 April 2024 Balai Bahasa Jawa Timur nganakaken zoom hang kaping pindho antara peserta teka wilayah Banyuwangi lan wilayah Medura kanggo nyelarasaken wektu, musik, lan peran ring sakjerone tampilan.
Dina Rabo, 1 Mei 2024 kontingen teka Banyuwangi berangkat menyang Jakarta nunggang kapal terbang Super Air jet, lan kumpule ring bandara Blimbingsari jam 08.00 WIB, mudhun ring bandara Soekarno Hatta. Gadug hotel langsung pembagiyan kamar lan istirahat, dina Kemis, 2 Mei 2024 isuk meruput, lalare padha nggadug ring Senayan milu upacara Hari Pendidikan Nasional, diterusaken acara  pembukaan FTBIN nong ballroom hotel. Ibu Franka Makarim hang ngewani sambutan nyampekaken “Orangtua merupakan sosok penting dalam menciptakan lingkungan bahasa daerah dalam keluarga”.  Dilanjutaken Kepala Kemendikbudristek Bapak Nadim Makarim hang mbukak resmine kegiyatan FTBIN.  Acara padhet temenan, kerana sorene langsung latihan kolaborasi lare-lare teka wilayah Banyuwangi  ambi teka Wilayah Madura. Hang teka Jawa Timur bain hang latihan, tapi endi ana bucu hotel hang kosong merga dienggo latihan peserta teka propinsi-propinsi liya sak Indonesia. Tepak dina Jumat, 3 Mei 2024 pendhamping lan peserta kabeh diajak ngelencer menyang Monas. Nong Monas, lare lare padha diweni cerita sejarah perjuwangan Bangsa Indonesia liwat musium hang ana nong njerone Monas. Ngucap sukur pisan, lare lare diduduhi naskah aseli Proklamasi hang dideleh nang temboke Monas, lapis emas lan anti peluru. Tepak dina Sabtu, 4 Mei 2024 Kabeh kontingen tampil ring panggung pagelaran kira-kira 30 menitan. Delegasi Jawa Timur tampil urutan nomer 6. Jatim tampil seru apike, hang diunggulaken teka Banyuwangi ana Gandrung, Seblang, Keboan, Pitik-pitikan lan Jebeng-Thulik. Medura hang ditampilaken kelambi adat petang kabupaten, sapi-sapian lan has tukang sate Medura. Dina pungkasan yaiku Minggu, 5 Mei 2024 kontingen balik menyang dhaerahe dhewek-dhewek.

(Khomsatun, S.Pd.)

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.