Mayo Milu Nulis Gurit/Puisi Kanggo Banyuwangi/Belambangan
Antariksawan Jusuf (dipublikasikan pada Senin, 18 November 2024 07:13 WIB)
- Dari Redaksi
Mayo milu Nulis Gurit/Puisi kanggo Banyuwangi/Belambangan
Paran hadhiyah hang bisa dienggo ngerayakaken dina dadine Banyuwangi? Salah sijine ya nguntabaken welase kene liwat gurit (basa Using) utawa puisi (basa Indonesia), aju didadekaken buku.
Tanggal 18 Desember kesuk iki Banyuwangi arep ngerayakaken dina dadine hang kaping 252, diitung sakat 1771 tepak pasukan Belambangan hang dipimpin Rempeg Jagapati bisa ngalahaken pasukan penjajah Landa.
Sengker Kuwung Belambangan (SKB) disokong ambi Ibu Yayuk Sutarjianto, arep ngelumpukaken gurit lan puisi dadi buku kanggo perayaan iku
Banyuwangi lan Belambangan kaya dene wolak-walike picis kenthing hang mohal dipisah. Masiya asal-usule mangkat teka kerenteg hang beda.
Tema hang dijuwut kanggo gurit/puisi iki pokoke hang nduduhaken rasa welas nang Banyuwangi/Belambangan. Ibarate hang ditulis iku bisa paran bain teka endahe lan sugihe alame teka gunung sampek segara rupek Selat Bali lan kedadeyan ring wong-wonge hang ngisi ring antara gunung lan segara iku mau.
Sarate puiaine iki:
1. Gurite/puisine nduweni tema Banyuwangi/Belambangan
2. Saben wong hang milu ulih ngirim paling akeh rong judhul.
3. Gurit/Puisi bisa nganggo basa Using utawa basa Indonesia
4. Hang puisi/gurite milu diuwot ring buku iku ulih sak buku geratis. Naming kadhung ana ongkos pengiriman kudu nanggung ongkos kirime.
5. Hang kudu dikirim nang email: basausing@gmail.com hing mung puisi taping uga poto lan biodata cendhek.
Kabeh iku setemene sakderma kanggo Banyuwangi/Belambangan.
Gancang kirim.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
