Nggesahaken Aran-Aran Panggonan ring Bimtek Toponimi

Nur Holipah (dipublikasikan pada Kamis, 08 Mei 2025 05:57 WIB)
- Laporan

Ring dina kawitan (6/5), Bimbingan Teknis Kepenulisan Konten Lokal iwuhe Dinas Perpustakaan lan Kearsipan Kabupaten Banyuwangi,  Ketua Dewan Kesenian Belambangan Kang Hasan Basri ketiban sampur dadi moderator wis nggawa lan nggawe diskusi dadi gayeng. Sipat arepe genti sesi, Kang Son gedigu celukane, ngawiti kelawan basanan (pantun).

Acara hang dipiloni 100 penulis iki, nduweni sarat dak ‘pelamar’ kudu wis kirim draft naskah sakdurunge (27 Maret – 20 April kepungkur).

Yusup Khoiri, S.STP. nyampekaken dak penamaan wilayah hang nduweni istilah Toponimi, dadi warisan budaya tak benda, lan setemene nggambaraken sejarah- sejarah budaya uga identitas masarakat. Sapa bain weruh gok Banyuwangi sugih, akeh aran panggonan hang kadhung dijugeri temakaken magih ana kaitane ambi bahasa, legenda, kedadeyan historis, lan liyane. Mungne, seperene, durung ana bukti tulise.

“Mulane peserta Bimtek iki, dijaluki minimal nulis desane dhewek-dhewek,” abane Yusup bangete sambutan makili panitia.

Dr. H. Alfian, makili Kelapa Dinas Pendidikan, nyampekaken gok mongkog temenan weruh peserta kepenulisan akeh-akehe guru.

Bimtek hang direncanakaken ping 3 pertemuan iki (6, 20, 27 Mei), dikarepaken bukune gelis launching sak sing-singe ring dina pungkasan Bimtek.  

Peserta ulih telung materi, yaiku: narasumber Drs. Suhalik materi Sejarah & Dinamika (Mitos Legenda & Peran Budaya Lokal). Iyane ngomong, gok nulis iku tradhisi besar yang tidak lepas dari pola kebudayaan (pattern of culture). Kelendi Banyuwangi sedemikian kaya kudune nggarahi masarakat sedemikian bangga. Tulisan hang lair ya kudune kualitatif, menarasikan¸kelawan pendekatan etnografis, wawancara.

Dhung jare narasumber 2, Hervina Nurullita Dosen UNIBA, ngewekasi nyang peserta anggone gancang-gancang nggesahi sesepuh/buyut/hang dianggep meruhi asal muasal aran desane. Toponimi wilayah, ana klasifikasine, yaiku Toponimi Alam (kaya Gunung Ijen, Kali Lo), Toponimi Flora/Fauna (kaya Temuasri, Temurejo), Toponimi Budaya (kaya Kedaleman), Toponimi Historis (kaya aran Banyuwangi lan Belambangan), Toponimi Religius (kaya Watu Dodol), uga Toponimi Buatan (kaya Perkebunan Kalibendo). Hervina uga nambahi gok tulisan hang lair engko ya bisa nganggo Metode Historis nganggo arsip, dokumen, utawa peta. Bisa dijugeri liwat web Delpher, Oldmapsonline utawa digitalCollections Leiden.

Dene pungkasan Samsuddin Adlawi, Direktur Radar Banyuwangi, uga nguwani materi bab Teknik Nulis Feature lan narasi lokal. Kelendi carane ngetap tulisan gena enak diwaca.

Kabeh peserta diweni wektu kanggo mbecikaken tulisane, gena nurut nyang aturan hang wis disampekekan para narasumber. Inkubasi naskah, 6-19 Mei 2025.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.