Ngimpekaken Buku Sastra Teka Diklat Kemarang Sutrawangi

Nur Holipah (dipublikasikan pada Jumat, 29 Juli 2022 08:44 WIB)
- Laporan



Musyawarah Guru Mata Pelajaran (MGMP) Bahasa Indonesia Kabupaten Banyuwangi duwe iwuh ‘Menulis Esai dan Mengarang Sastra Berbasis Kearifan Lokal’ dina Kemis, 28 Juli 2022. Manggon ring Resto Kemarang (desa Tamansuruh, Glagah), acara iki dipiloni 99 guru lan 107 murid teka SMP sak Banyuwangi. Guru ring diklat esai, serehne murid ring diklat nulis puisi lan cerita cendhek (cerpen).  Mengarepe, guru lan murid dikarepaken bisa duwe buku hang isine tulisane dhewek. Engko dikurasi sulung lan arep dipameraken nung Festival Sastra ring Gedhung Juang ulan Nopember hang arep teka.

Kawitane kabeh guru lan murid kumpul ring aula utama Resto Kemarang. Sakmarine dibukak nyang ketua panitia, ana sambutan teka Pak Suratno, S.Pd, M.M Plt. Kepala Dinas Pendidikan Kabupaten Banyuwangi. Pak Ratno ngomong gok penting seru anggone njugeri paran hang ana ring Banyuwangi hang sugih iki.

Hang nguweni materi kanggo peserta murid, ana Muji Widiyanto, S.Pd (Ketua MGMP Bahasa Indonesia Kab. Banyuwangi) uga Muttafaqur Rohmah, M.Pd (Dosen Universitas 17 Agustus 1945 Banyuwangi).  Manggon ring aula pinggir ngisor, peserta murid ulih materi bab puisi teka Muttafaqur Rohmah hang duwe trik yaiku 3T OK (Tulis Tanpa Teori, Observasi + Kontemplasi). Sakmarine materi, kabeh peserta murid diweni wektu kanggo nulis puisi. Lalare iku diulihi nulis ambi mideri Kemarang, makene encer ulihe nulise.

Kalau bagi saya sih, mengikuti kelas di tempat terbuka di alam jadi tidak kaku dan tidak cepat stress. Cuma, karena anginnya semilir, teman saya ketiduran saat pemaparan materi tadi,” abane Novia Najla, salah sijine peserta murid teka SMP Negeri 1 Banyuwangi.

Lahan tepat untuk iklan anda di sini.

Hubungi: [email protected] atau WA telp 0811843457


Puisi ulihe lalare mau aju dipilihi kanggo diwacakaken ring ngarepe kanca-kancane.

“Isun girang seru. Merga setemene bain apik-apik puisine lalare iku. Mung ring judhul, endhase, magih kurang ana geregete. Kurang alus digu. Kaya ana judhule mung Sumping thok, ya Hun weni penemu kelendi kadhung dadi Semanis Sumping. Ana judhule mung Kemiren, Sun uwah dadi Manise Kemiren...” jare Muttafaqur Rohmah nyang reportere belambangan.com

Puisine mula diweni wates mung kearifan lokal Banyuwangi. Taping merga wis disampekaken dak nulis puisi iku gampang sing kathik teori, magih ana lalare peserta nulis ring njabane wates iku mau.

Ning panggon liya (aula utama) guru-guru hang ulih ulih materi esai teka Suyanto, M.Si (Ketua Forum Banyuwangi untuk Kebudayaan) lan Mashudi, S.Pd. Wates pungkasan kanggone ngumpulaken esai guru-guru iki sampek tanggal 14 Agustus 2022.

Selain selaras dengan visi misi pemerintah untuk meningkatkan mutu literasi masyarakat, kegiatan seperti ini bagus untuk memupuk kesadaran generasi muda akan budaya dan tradisi Banyuwangi yang kaya dan unik. Supaya tetap eksis di kalangan muda, memang butuh dokumentasi, dieksplorasi dan dipublikasi. Ke depan, semoga peserta tidak hanya terbatas pada siswa jenjang SMP saja. Semua jenjang kalau bisa. Bahkan dari jenjang Sekolah Dasar, juga penting untuk dikenalkan pada sastra dan kearifan lokal. Suka membaca, suka sastra, suka budaya kan perlu ditumbuhkan sejak dini,” komentare Asrizal Tawaqqal, S.Pd, peserta guru uga teka SMP Negeri 1 Banyuwangi.

Mengarepaken mula sing kuwatir maning ring tangane sapa kirane karya sastra bisa dilairaken.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.


Sumber : Warta

Editor: Hani Z. Noor