Pirangane Acara Kanggo Hari Disabilitas Internasional
Antariksawan Jusuf (dipublikasikan pada Jumat, 27 Desember 2024 09:07 WIB)
- Laporan

Pirangane Acara Kanggo Hari Disabilitas Internasional
Yayasan Aura Lentera Indonesia mengeti Hari Disabilitas Internasional (HDI) kelawan nggelar pirangane acara. Ana Grand Awarding, tanggal 21-22 Desember 2024, Festival Sekolah We Can Inklusif, aju ana Resepsi Kreatif lan Peduli Penyandang Disabilitas.
Ketua Aura Lentera, Nurhadi Windoyo, ngomong gok Banyuwangi mung siji-sijine masarakat hang ngerayakaken Hari Disabilitas Internasional hang dirayakaken saben tanggal 3 Desember.
Iwuh Grand Awarding ditekani Muspida, Rektor Universitas 17 Agustus 1945 (Untag), Bappeda, Dinas Kesehatan, Dinas Sosial PP&KB, Disbudpar, Diskominfo & Coding lan Pudam uga USAID ERAT.
Sedurunge iku Diskominfo lan Aura Lentera nganakaken Workshop Pelatihan Keterbukaan Informasi Publik nong Hotel Santika tanggal 17 Desember. Aura Lentera uga nganakaken workhsop online nggawe Pentigraf utawa cerita cendhek telung paragrap hang diampu telung narasumber yaiku Dr. Harry, Ira Rahmawati lan Yeti Chotimah. Pesertane jumlahe 117 uwong, milu lomba nggawe pentigraf, maca geguritan lan nembang.
"Sakliyane teka Banyuwangi, ana peserta teka Lampung, Riau, Bontang, Tangerang, Semarang, Mojokerto lan Jember," jare Titis Anganten, SPLB minangka bendahara Aura Lentera hang uga guru nong SLBN A Banyuwangi.
Khairul Hidayat, S.Sos, Kepala Rehabilitasi Sosial lan Penanggulangan Bencana, ngelem Aura Lentera, hang wis nduduhaken kekarepane kanggo ningkataken inklusi lan kesetaraan kanggo para wong cacat hang seperene wis melaku 17 taun. “Rika bisa kolaborasi ambi Aura Lentera lan aju ana kolaborasi nyata liwat pemberdayaan," ujare Khairul hang dadi pengawas Forum Banyuwangi Sehat.
Pemerintah Kabupaten Banyuwangi ngarepaken iwuh iki bisa nambah kesadharan lan partisipasi masarakat kanggo ngewani semangat penyandhang cacat.
Dina pungkasan nong tahap kreatif CFD Blambangan, dianakaken pelatihan mobilitas pendhamping tunanetra ring Kang Abdullah lan Safarudin. Materine kelebu Mobilitas tunanetra, Bahasa Isyarat hang dikancani telung Juru Bahasa Isyarat (JBI) yaiku Kang Firdaus, Mbok Risma lan Mbok Nabila. (YC/AWN)
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
Sumber : Penulis: Yeti Chotimah/Aguk Wahyu Nurhadi
Editor: Hani Z. Noor