Cathetan ring Lomba Ndongeng Video AI
Antariksawan Jusuf (dipublikasikan pada Selasa, 05 November 2024 08:56 WIB)
- Laporan
Lomba Ndongeng Nganggo AI wis ditutup tanggal 25 Oktober sore, wis ditamtoaken pemenange lan diumumaken ring Banyuwangi Creative Space tanggal 2 Nopember.
Ana 11 judhul dongeng hang wis ditayangaken ring channel youtube TV Bain.
Teka 11 judhul iku, Dewan juri wis milih telung judhul hang menang Piala Asmorowati. Pilihane Dewan Juri: Taufiq Shaleh, Hani Z. Noor lan kang Aang, dibiji ngganggo takeran teka gambare, basa Usinge lan wekas hang bisa dijuwut teka ceritane.
Ana hang ceritane apik naming basa Usinge elek, bijine ya elek. Merga lombane iki lomba Ndongeng nganggo basa Using. Ana ceritane apik taping hing ngewani wekas paran-paran. Ana basa Usinge hang apik, naming video AI-ne hang kuran apik.
Ana cathetan dienggo mengarepe bab dongeng kanggo lalare iki. Kadhung ana persoalan hang diadhepi lare, kudune lare hang dadi tokohe iku hang ngatasi masalahe. Dudu wong liya hang ngatasi.
Masalah gambar nganggo AI, mula kudune bisa ngewani perintah hang jelas. Kadhung using, bisa njumbul cerita bab wong desa Banyuwangi naming raine kaya wong Eropa. Kudune perintahe nang AI-ne, ana wong Indonesiane utawa wong Jawane. Ana pisan raine wong/lare hang metune hing konsisten. Ring gambar siji lan liyane hing padha, nggarai bingung lalare hang ndeleng. Kudune wong desa Banyuwangi, dedege, kelambine, panggonane kudune nduduhaken kaya ring Banyuwangi. Mula lebih gampang ceritane nggawe tokoh kewan timbang menungsa. Bisa lebih ajeg. Kadhung using kudu diakehi ngedhite.
Ana peserta hang wis dhuweg nggawe animasi hang wis ubah. Iki bijine apik, naming ana unsur liyane hang dibiji.
Pemenange yaiku
Terbaik 1:
Arif Rahman
Petak, Si Wader Cengkal
Terbaik 2:
Bety Lutviyanti
Akal Bulus
Terbaik 3:
Istipadah, Emy Riana, Reuni Juwita
Sinna Kucing Kang Sombong
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
