Kapan Dina Laire Desa Ketapang?

M Hidayat Aji Wirabhumi (dipublikasikan pada Rabu, 22 Juni 2022 11:09 WIB)
- Laporan



Saben-saben panggonan mesthi nduwe cerita dhewek-dhewek bab kapan mulai ngadeg. Ana hang nduwe bukti-bukti ketulis hang wis ditulis ring jaman embah buyute bengen. Ana hang mung ceritane diwarisi teka cerita embah-embah turun temurun. 

Setemene akeh hang gerayang-gerayang, dadi digoletaken tanggal hang bisa dadi pecut kanggo wargane makene merujukaken rasa mongkog aju saya girang mbangun dhaerahe.

Ring pirangane dhaerah akeh dipilih tanggal hing mung sukur tanggal naming hang bisa dadi tuladha ring anak putu bab kelendi heroike embaymh buyute bengen.

Hang sing kalah pentinge yaiku kanggo sarana ngenali jati diri dhaerah lan masarakate. Merga ring mburi-burine bisa nggawe rasa mongkog lan pungkasane merujukaken rasa perdhuli nomg dhaerahe. Pungkasane rasa iku ndandekaken wong-wonge milu aktip kanggo majokaken dhaerahe.  

Kapan laire desa Ketapang? Desa KETAPANG hang ana ring Kecamatan Kalipuro iki minangka salah siji desa hang akeh cathetane ring babakan sejarah Banyuwangi. Untung seru akeh hang nyathet lan bisa diarani salah siji desa paling tuwek ring Banyuwangi. Paran bukti sejarahe gok desa KETAPANG bisa disebut gedigu? (1) Prasasti Ketapang taun (1095-1150); (2) Petilasan Aneng Patih (antarane 1647-1719); (3) Lokasi Perang Kabakaba (1767); (4) Ketapang minangka Calon Ibukota (1771); (5) Ketapang sebagai Distrik/Kecamatan pertama di Banyuwangi (1773); (6) Pembangunan jalur Watu Dodol (?); lan liyane.

Sinau teka penetapan 18 Desember 1771 minangka Hari Jadi Banyuwangi (Harjaba), miturut penulis poin hang nomer 3 hang kudune dadi dipilih pertimbangan Dina Dadine Ketapang.

Ring cathetan Landa, de Opkomst, disebutaken gok kutha Panarukan (ring Situbondo) hang dadi wilayah Balambangan hang takluk kawitan nyang VOC Walanda ring tanggal 9 Maret 1767. Rong dina sakuwise, tanggal 11 Maret 1767, tentara VOC Walanda ngelanjutaken perjalanane nang Banyualit (Blimbingsari).

Dene rute perjalanan darat Landa mauka disebutaken ring Opkomst:

Lahan tepat untuk iklan anda di sini.

Hubungi: [email protected] atau WA telp 0811843457


“Pada tanggal 11 Maret 1767 pasukan dari Panarukan bergerak maju dan mengikuti jalur ini: Banyu Tikus, melalui Kali Tikus; di Selakar Putih, melewati Kali Putih; negeri Kabondang, di kakinya Baluran, sekarang stasiun pos Bengkalingan; Menang; KETAPANG; Banyu Alit. Perjalanannya dari 11 sampai 23 Maret 1767.”

Mesthine, perjalanan teka Panarukan nyang Banyualit bisa dilakoni mung seminggu melaku sikil. Naming, penulis sejarah Samsubur ngomong gok suwine perjalanan pasukan VOC Walanda teka Panarukan nyang Banyualit iki 13 dina (11-23 Maret 1767). 

Dawane wektu teka biyasahe ini nggugah pitakonan. Endane paran hang nggawe suwi? Cumpu ana ring Babad Wilis, hang ngomong gok ana para pejuang Belambangan lan Mengwi hang nyegat lan ngadhang Landa sakdawane dalan teka Negeri Kabondhang sampek Papakem. Lan perang gedhine kedadeyan ana ring Kitha KETAPANG. 

Babad Wils nyebitaken:

“Gusti Murah (Ngurah) angandika Kuthabedhah prayoga bibara dhingin, ngirida kawula Bangsul (Bali), nuli andika bubar ing Papakem dadalan, andika rebut. Kawula medal KETAPANG, sakonca kula pribadi, margine lumebeng KITHA ING KETAPANG simpangan agung amalih lah rare sira lumayu nusula Kapanasan.”

Peristiwa perang gedhe ring panggonan antarane Bengkalingan (Wongsorejo) sampek Kota KETAPANG kedaden antarane tanggal 15-20 Maret 1767. Angka tanggal 15 Maret 1767iki disebut ring bukune Sri Margana (Perebutan Hegemoni Blambangan):

“Di Blambangan (Banyualit), pasukan Belanda di bawah komando Kapten Blanke menghadapi situasi yang sangat berbeda dengan saat mereka tiba (di Kabondhang-KETAPANG) tanggal 15 Maret. Tidak ada perlawanan dari rakyat Blambangan dan Bali ketika mereka mendarat di Banyualit.”

Bahan Wacanan:

Aji Ramawidi, Suluh Blambangan 2

G.J.F. Biegman, Hikajat Tanah Hindia.

J.K.J. De Jonge & Van Deventer, De Opkomst (Belanda di Bumi Blambangan). 

Raffles, The History of Java.

Samsubur, Sejarah Kerajaan Blambangan dan Purwacarita Praja Balambangan.

Sri Margana, Perebutan Hegemoni Blambangan.

W.L. Olthof, Babad Tanah Jawi.

Winarsih, Babad Blambangan dan Babad Wilis.

Yeti Chotimah, Sejarah, Seni, dan Budaya Banyuwangi.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.


Sumber : Materi Sarasehan Sejarah Desa Ketapang pada tanggal 18 Juni 2022

Editor: Antariksawan Jusuf